Dit is weer daardie tyd van die jaar! Ja, ek praat natuurlik van die jaarlikse “SA Blog Awards”!
As jy mooi kan terug dink, na ‘n jaar gelede, was Kuier.co.za genomineer vir die beste nuwe blog. Ons het dit nie gewen nie, maar die feit dat ons genomineer was was al klaar genoeg.
Hierdie jaar sal ons natuurlik nie weer in daardie kategorie genomineer kan word nie, maar persoonlik sou ek daarvan hou om iets te kry soos die beste ontwerp. 
Hierdie tipe ding is altyd opwindend vir ons hier by Kuier.co.za!
Nominasie is nou oop en dit is baie makliker hierdie jaar. Op die “SA Blog Awards 2007″ webwerf hoef jy net 3 webwerwe te nomineer, tik dan die sikuriteits kode in en druk die “Send” knoppie.
Jy sal dan ‘n e-pos ontvang, met ‘n skakel in, waarop jy moet klik om jou nominasie te bevestig.
So maklik soos dit!
