Kuier Saam in Afrikaans

Ons het die volgende versoek van ‘n leser, Brent, ontvang:

Hi Gerhard

Brent

Ek het op die volgende webwerf afgekom wat juis die tipe Afrikaanse komedie probeer bevorder:

http://www.afrikaanstand-up.co.za/

Terloops, vir die wat wonder… ek het die spesifieke prentjie gekies omdat dit baie snaaks gelyk het en nie omdat ek van blou bulle hou nie (nee, ek ondersteun my eie span hier in die Kaap!)

Afrikaans, staan-komedie, kunstenaars, komediante

Ja mense, hier is ons sowaar alweer aan die einde van ‘n week, en dit was nog ‘n week wat net eenvoudig nie tyd gehad het om stories te gaan soek vir Kuier nie… Ek vra verskoning dat ek nie my belofte in daardie verband aan ons lesers nagekom het nie!

Wel, nadat ek opgewonde geraak het omdat my Internet weer oënskynlik in werkende toestand en “altyd aan” sou wees (en ek gevolglik saans tuis aan Kuier sou kon werk), het ECC Internet toe oudergewoonte binne ‘n paar uur die een of ander probleem ontwikkel en ek sit toe vir nàg ‘n week sonder Internet. Dis toe net daar dat ek besluit genoeg is genoeg en ek kanselleer by hulle! Die eienaar van die diensverskaffer was seker maar net te bly om van my ontslae te raak, want ek het voortdurend gekla oor hulle swak diens en verskeie klagtes by die Verbruikersbeskermer gelê teen hulle… Hy deel my toe egter mee dat hy ongelukkig nie kan sê wanneer hulle die toerusting (antenna en “router”) sal kan kom uithaal by my huis en my R2000 deposito en die R200 wat ek reeds vooruit betaal het vir November aan my terugbetaal nie, want hulle het nie nou geld nie, a.g.v. al die kliente wat reeds weg is na aanleiding van hulle “probleme”…

So nou wag ek maar totdat hulle eendag weer geld inkry en my R2200 kan terugbetaal… en ek is hard aan die soek na ‘n ander, beter Internetverskaffer! Is dit net ek wat dink dat Telkom selfs na hulle “groot” prysbesnoeiings nog altyd belaglik duur is met ADSL? Ek bedoel, om elke maand R111 vir ‘n telefoonlyn te betaal wat jy slegs vir ADSL gaan gebruik, en nog R152 om ADSL daarop te kan gebruik, en dan ‘n verdere R200+ om ADSL te gebruik… dis bietjie woes!

Enige lesers met goeie ondervinding van onbeperkte (”uncapped”) Internet wat nie te veel beperkings het met waarvoor jy dit mag en nie mag gebruik nie, en nie te buitensporig duur is nie kan my asb laat weet!

Geniet die naweek, en kom kyk maar weer volgende week of hier darem vir ‘n slag vars nuus is

Ek het darem op die volgende webwerf afgekom, waar hulle ‘n lys gee van “Wireless” Internet diensverskaffers wat gereguleer word in terme van die kwaliteit diens, ens wat hulle lewer… so dalk is dit veilig om een van hulle te kies…?

http://www.wapa.org.za/members/

week, internet, swak, diens

‘n Nuwe liedjieskryfkompetisie eksklusief vir Kapenaars is sopas geloods, met pryse ter waarde van R25 000 op die spel. Die Vivacious Voice Maak lawaai! Liedjieskryfkompetisie is in die lewe geroep deur sanger, liedjieskrywer en stem-afrigter Philip de Villiers, wat drie maande gelede die eerste liedjieskryf-akademie in Suid-Afrika op die been gebring het. Sy kursus, “The Songwriter´s Toolkit,” bemagtig Kaapse liedjieskrywers op ´n kreatiewe en finansiele vlak. “Dis bloot ´n mite dat kunstenaars nie finansieel suksesvol kan wees nie. As my vriende in die IT-industrie in blink karre kan ry, hoekom nie liedjieskrywers nie? Ons is deel van ´n R2.5 biljoen musiekmark plaaslik, en ´n $55 biljoen internasionale mark. Dis tyd dat ons liedjieskrywers ag as waardevolle potensiele uitvoerprodukte. Maar eers moet ons hulle toerus met die nodige vaardighede om liedjies van internasionale gehalte te kan skep.”

Die kompetisie diskrimineer glad nie teen sekere style nie, maar word beoordeel op grond van die gehalte van lirieke en melodiee, asook kommersiele vatbaarheid. Die beoordelaars is geskies uit verskillende kulturele – en musiek-agtergronde om ´n gebalanseerde, objektiewe mening te kan vorm.

Die eerste prys is R10 000 kontant, ´n fotografie-sessie van R3500 en R5000 se web-advertensie-ruimte. Die tweede prys is ´n Vivacious Voice sangkursus, en ´n Songwriter´s Toolkit kursus, gesamentlik ter waarde van R5000. Die derde prys is ´n beginnerskitaarkursus van R1650 van Guitar-4-U.

Die sluitingsdatum vir aansoeke is Dinsdag 17 Julie 2007. Beoordeling vind plaas op 18 en 19 Julie, en die wenner word aangekondig op Vrydag 20 Julie.

Die inskrywingsvorm is beskikbaar by www.vivaciousvoice.com Kliek op “Competition.”

Twee van die Weskaap se mees energieke en unieke groepe, Zinkplaat en Die Helde het weer besluit om kragte saam te span. Waar ander groepe met karre, bussies en waentjies toer, het hierdie manne vir die tweede keer besluit om groot te gaan en ´n trok te gebruik vir hulle toer. Met die hulp van Beyerskloof Wyn en Bundi Productions word die klanke hierdie Junie versprei.

Die toer staan bekend as Die “Ubuntoer ´07″ en spring die 14de Junie uit Stellenbosch uit weg. Die volgende areas gaan ingevaar word:

6/15/2007 : Die Sinkshack – Bronkhorstspruit
6/16/2007 : Bourbons – Potch
6/18/2007 : Back 2 Basix – Jo’Burg
6/19/2007 : Cafè Barcelona – Pretoria
6/20/2007 : Chillis – Hatfield
6/21/2007 : Stones – Bloemfontein
6/22/2007 : Bibberfees – Smithfield

Met verskeie televisie en radio onderhoude, sowel as CD-Winkel optredes en koerant onderhoude, beoog hierdie toer om die Kaapse musiekbeweging aan die musiekliefhebbers van die Noorde bekend te stel. Dit sal die tweede keer wees wat diè twee groepe met ´n trok ´n toer aanpak. In 2005 se Desembervakansie het Zinkplaat en Die Helde die Weskus van sy eerste rocktoer, Die Miskruier Gaan Weskus Toer, voorsien.

Vir enige navrae of verdere inligting, bel Bertie Coetzee 083 349 9559
Kyk ook www.myspace.com/diehelde en www.myspace.com/zinkplaat

Uitsaaines saai tans 24 uur per dag en 7 dae per week uit. Hulle het gereelde lewendige inhoud (elke dag van die week insluitend naweke) wat aangebied word deur omroepers van reg oor die wêreld.

Uitsaaines se omroepers saai uit van hul voor- of studeerkamers, vanuit Suid Afrika, Amerika, Spanje, Holland en binnekort ook Japan…

Daar is reeds duisende luisteraars in verskeie lande en om net ‘n paar te noem; Engeland, Suid Afrika, Namibië, Nederland, Australië, Nieu-Seeland, Bahrein, Spanje en vele meer. Hulle is ook voortdurend besig om die diens en programinhoud te verbeter en te vermeerder.

As jy ook saam wil luister kan jy eenvouding na hulle webwerf gaan en op die “Luister Hier” prentjie klik om ook in te skakel. Daar is ook ander metodes beskikbaar soos byvoorbeeld die Hulpstaaf wat jy kan aflaai van hulle webwerf af.

http://www.uitsaaines.co.za

afrikaans, radio, potgooi, uitsaaines

Een van ons lesers het die volgende boodskap deurgestuur, en ons het gedink dat julle inderdaad sal belangstel om te weet dat die Wêreldwye Web nou in al sy/haar glorie, amptelik in Afrikaans deurkruis kan word!

"Haai Gerhard / wie ookal hierdie kry.

Groete
Friedel"

Besoek dus gerus die amptelike aflaaiblad hier en kry jou gratis kopie vandag nog:

*Let daarop dat die lêer ongeveer 6 MegaGrepe groot is, en indien jy nog met ‘n telefoonverbinding sit vir Internet kan dit dalk ‘n tydjie neem om af te trek…

http://www.mozilla.com/en-US/firefox/all.html

Afrikaans, Web, Firefox, beskikbaar

“Valiant Swart en die boeremusieklegende Ollie Viljoen het onlangs hul eerste gesamentlike album Vuur en Vlam uitgereik.

Ollie speel akkordion, klavier en Hammond-orrel, terwyl Valiant sing en die kitare speel. Uitgesoekte musikante, deur Ollie en Valiant gedoop Die Mystic Boereorkes, het kragte saamgesnoer om onweerstaanbare vonkel aan die album te verleen. Daar is, onder andere, die konsertinakaptein Barney van Dyk, die dromme-en-perkussie maestro Barry van Zyl, die viool-fenomeen Wynand Davel, die trompetgeskal van Adriaan Brand en die bobaas blues-bekfluitjie van Dave Ferguson. Verder verskyn Laurinda Hofmeyr as spesiale gas op My hart verlang na die Boland, een van die ou gunstelinge…”

Valiant Swart verbaas ons elke keer met die keuses wat hy in musikale loopbaan maak… Daar is ‘n rede hoekom hy een van my gunsteling musiekante is

Vir die mense wat van musiek DVDs hou is daar ook ‘n lekker verrassing in die pyplyn… Die opnamesessies is volledig vir DVD verfilm, wat ook gereed is om binnekort uitgereik te word.

Ek kan nie wag nie!

http://www.valiant.co.za/

valiant, swart, ollie, viljoen

Soos die meeste van die aanhangers weet is Fokofpolisiekar op ‘n breuk vir die eerste ses maande van hierdie jaar, wat beteken dat die lede op hul eie solo projekte en studies kan konsentreer.

Ongelukkig beteken dit ook dat ons hulle nie in lewende lywe kon sien vir die afgelope paar maande nie, maar met die nuus van ‘n toer in die afgelope week is lekker opgewonde.

Aug 9 2007 – Oppikoppi13: The way of the dassie (Northam)
Aug 10 2007 – Coca-Cola Dome (Johannesburg)
Aug 11 2007 – Velodrome (Bellville)
Sep 29 2007 – OppiAarde (Potchefstroom)

Die twee wat my aandag die meeste trek is die optredes van die 10de en die 11de.. kom ons sê maar net dat dit lekker groot areas… laat mens wonder wie anders gaan speel

http://www.myspace.com/fokofpolisiekarband

fokofpolisiekar, afrikaans, musiek, optree

Volgens berigte oor die radio gaan belastingopnames van hierdie jaar effens anders werk, aangesien dit nie meer nodig is om enige stawende dokumente (soos IRP5, kwitansies, fakture, ens) aan die inkomstekantoor te stuur nie, en die feit dat dit ook nou sal moontlik wees om jou opgawes elektronies, op die Internet te doen behoort tyd en kostes te bespaar! Verder sal personeel van die SA Inkomstediens ook gratis bystand verleen aan enige persoon wat hulp nodig het met hul opgawes. Dit sal moontlik wees om by enige van hul kantore te gaan aanklop, of die inbelsentrum te skakel by 0860 12 12 18. Mens kan ook daar uitvind hoe vorder jou opname se verwerking, of jy kan aanteken op hul webwerf daarvoor. Alle opnames vir die jaar moet teen 31 Oktober voltooi wees.

Besoek gerus die Suid-Afrikaanse Inkomstediens (SARS) se elektroniese-opgawe webwerf en spaar jouself ‘n klomp ekstra werk hierdie jaar deur jou belastingopgawes aanlyn te doen! Registreer sommer vandag nog – ek gaan beslis!!! Hou net jou belastingnommer byderhand…

http://www.sarsefiling.co.za/

Vir verdere ingligting en kontakbesonderhede beveel ek aan dat jy besoek aflê by

http://www.sars.gov.za/

Daar is skakels na alles wat mens nodig het om te weet in hierdie verband.

*** Belangrike opdatering: Ek het vandag probeer registreer en ‘n boodskap gekry wat aandui dat my nommer nie geregistreer kan word nie… toe skakel ek die SARS e-filing hotline by 0860 709 709 en word meegedeel dat die diens eers teen die EINDE van Mei aktief sal wees.

belastingopnames, anders, makliker, inkomstediens

Anton Botha is ‘n baie veelsydige, jong kunstenaar wat besig is om die Suid Afrikaanse mark om te keer met sy oorspronklike liedjies, in ons moedertaal…

Hierdie jaar was Anton se eerste KKNK en sy bestuur is baie in hul skik met hoe goed die
vertonings daar verloop het. Hy het ook baie goeie terugvoering van aanhangers gekry!

Anton is ‘n kranige liedjieskrywer en sanger. Anton bespeel 8 instrumente; waaronder akoestiese kitaar, elektriese kitaar, dromme, klavier en mondfluitjie.

Vir diegene wat dink dat Anton dalk bekend lyk, dit is omdat hy in verskeie DVD’s (soos die van Thys die Bosveldklong en Deon van der Merwe) opgetree het en dan ook al sy verskyning gemaak het op menigte musiekvideos.

Vir die van julle wat graag vir Anton in aksie wil sien, gaan gerus na sy webwerf ek klik op “Kalender” om op hoogte te bly met waar hy volgende gaan optree.

Ek is altyd bly om nuwe Afrikaanse stemme te hoor sing

http://www.antonbotha.com/

anton botha, afrikaans, musiek, kknk