Kuier Saam in Afrikaans

Ek is een van daardie mense wat mal is daaroor om die binnekant van gebou so eenvoudig as moontlik te hou.

Baie spasie, baie wit en baie baie eenvoudige ontwerpe… Ek besef ook dat almal nie dieselfde hieroor voel nie, maar vir my gaan dit oor die gevoel van vryheid wat ‘n eenvoudige omgewing vir jou kan verskaf.

Dit was terwyl ek rond gesoek het op die Internet na interessante ontwerp idees wat ek op die volgende blad vol deurskynende toerusting afgekom het.

Ek is mal hieroor.. veral die wasmasjien!

http://www.toxel.com/tech/2009/01/12/transparent…

deurskynend, toerusting, ontwerp, eenvoudig

Om skielik die verantwoordelikheid aan te neem van ‘n nuwe kleinding in die huis kan seker voel asof alles tot stilstand kom, maar gelukkig het die internet vir ons ‘n lys van 10 dinge gemaak wat ons moet weet as die dag kom.

Wat hierdie artikel lekker maak om te lees is die feit dat die skrywer dit baie lig-hartig geskryf, so al is dit nog nie jou tyd nie, is dit nog altyd lekker om te lees.

http://www.divinecaroline.com/article/22116/36160

baba, pa, nuut, reels

Ek het vandag se storie eksta interessant gevind, aangesien ek baie bewus daarvan is dat ek nie veel doen om die planeet te help nie, en ook dat ek elke oggend van my lewe grondboontjie botter toebroodjies eet… wie sou gedink het dat dit die planeet kan help.

Vandag se webwerf is daar met een rede, en dit is om die feite te gee oor hoe grondboontjie botter toebroodjies die planeet help.

Wie sou gedink het dat deur drie grondboontjie botter toebroodjies te eet jy net so veel impak op die omgewings maak soos om na ‘n water besparende stortkop toe oor te slaan.

http://www.pbjcampaign.org/

grondboontjie, botter, spaar, planeet

Die meeste van ons dink aan tennis of speletjies met die hond as ons ‘n tennisbal sien, maar het jy geweet dat daar ook ‘n ton ander dinge is wat jy kan doen met ‘n normale tennisbal?

Byvoorbeeld: het jy geweet ‘n mens kan ‘n tennisbal gebruik om ‘n bottel oop te maak wat te styf toe is?.. of as ‘n beter handvatsel vir daai skroewedraaier wat net nie die skroef kan los kry nie?

Ek moet nogal sê ek het vandag se webwerf baie interessant gevind!

http://www.diylife.com/2007/07/09/diy-tennis-balls-little-yellow-useful/

tennis, bal, nutsman, innovasie

Met praatjies van besparing wat deesdae hoog aan die lys is, is dit nogal vervrissed om te sien dat iemand iets aan die saak gaan doen het en nie net ook daaroor gaan kla het nie.

Wetenskaplikes by die Tegniese Univesiteit van Denemarke het ‘n yskas ontwerp wat glad nie elektrisiteit nodig het nie, maar eenvoudig met magnete werk.

Hoe presies hy werk… dit weet ek nie, maar ek weet een ding met sekerte.. ek sal nie my rekenaar naby aan die yskas bring nie

Die beste gedeelte van hierdie yskas is dat hy bleikbaar geen geluide maak nie.. hy is heeltemal stil.. net vir daardie rede sal ek van hom hou

http://www.denmark.dk/en/servicemenu/News/Science…

yskas, magneet, verkoel, bespaar

Het jy al ooit gewonder hoekom sekere mense amper opgeëet word deur muskiete terwyl ander amper nie eers weet dat hierdie goggas bestaan nie?

Volgens ‘n nuwe studie is die rede dat verskillende mense eenvoudig verskillend ruik vir die muskiete, en sekere reuke is eenvoudig meer “uitlokkend” as ander.

Die goeie nuus is dat hulle nou hierdie inligting kan gebruik om ‘n nuwe reeks anti-muskietbyt medikasie te kan onwikkel.

Hopelik sal my vriende binnekort rustiger kan slaap

http://www.telegraph.co.uk/earth/main.jhtml?view=DETAILS…

muskiet, steek, ongemak, slaap

Jy probeer vir die soveelste keer deurdring tot die idiote wat veronderstel is om ‘n (bystands)diens aan jou te verleen… Jy hou maar aan probeer, want anders gaan die probleem nooit reggestel word nie. Selfs al moet jy weereens hoor daar’s niks fout aan hulle kant nie en al laat hulle jou voel asof dit jou skuld (en onkunde) is wat die probleem veroorsaak…

As dit bekend klink moet jy beslis verder lees, want ek het raad! Glo my dit help net eenvoudig nie om jou humeur te verloor en te begin skree op hulle nie, want dan raak die “diens” wat jy kry net nog minder!

Toe my Internetdiensverskaffer onlangs opgehou “diens verskaf” het (en volgens my nie baie aktief aan oplossings vir al hulle probleme gewerk het nie), het ek mooi gepraat, gedreig, kwaad geraak… maar natuurlik geen vordering gemaak nie. Daar was net elke keer ‘n lang lys van verskonings van hulle kant af, want al die probleme was glo buite hulle beheer. Dit is waar ek toe vir myself sê genoeg is genoeg en op die Internet (by die werk) soek na inligting oor verbruikersregte. Gelukkig vir my (en almal van julle wat in dieselfde bootjie sit) maak die Suid-Afrikaanse wette wel voorsiening vir ons regte as verbruikers en daar bestaan ‘n Verbruikersbeskermer!

Ek het die kontaknommer op die onderstaande Webblad geskakel, naamlik 0861 843 384 en hulle het vir my die plaaslike inskakelsentrum se nommer gegee. Daar kon ek ‘n amptelike klag lê teen my Internetdiensverskaffer en hulle het onderneem om die saak te ondersoek. Binne 24 uur het ek ‘n oproep terug ontvang en iemand het my besonderhede en klagte bevestig, waarna hulle die sondebok geskakel en in kennis gestel het van my klagte. Daar is ook verduidelik dat die saak nou vir eers as afgehandel beskou sal word, siende dat die klagte amptelik oorgedra is. Die klagte kan egter weer dadelik geaktiveer word indien nog klagtes ontvang word. Wel tot dusver lyk dit asof my optrede wel die gewensde uitwerking gehad het, want waar ek in die vorige twee maande slegs by uitsondering wel toegang tot die Internet gehad het (dit was werklik amper heeltyd af), is dit nou weer voltyds aan – m.a.w. ek kry nou weer die diens wat daar aanvanklik aan my belowe is en waarvoor ek nog die hele tyd betaal

So dit help nie om net te sit en kerm en kla nie, want dis eers wanneer jy iets doen dat ‘n probleem opgelos (kan) word.

http://www.thedti.gov.za/ccrd/OfficeofConsumerProtection.htm

diens, fout, kla, probleem

Het jy al jou rekenaarskerm deeglik van bo tot onder (en/of links tot regs) bestudeer om te soek vir moontlike dooie kolletjies? Wel as jy nie eniges duidelik kan sien nie, hoekom soek jy dan vir hulle? Dit pla jou mos nie… of hoe? Wel vir die mense wat net moet weet of hulle skerm “volmaak” is of nie het ek goeie nuus: Daar is ‘n stukkie sagteware wat binne sekondes vir jou die antwoord kan gee!

Nou vra sommige van julle dalk “Wat is ‘n dooie pixel?” Wat dit basies is, is dat daar een of meer van die miljoene kolletjies waaruit die beeld op jou rekenaarskerm bestaan net swart bly, of alternatiewelik kan mens ook ‘n sogenaamde “vassit pixel” kry, wat beteken dat jy heeltyd ‘n kolletjie van een kleur sien – bv. rooi… wat gewoonlik mees irriterend is wanneer so ‘n helder kolletjie in die middel van die skerm aan bly!! Op die prentjie hier bo sal julle sien dat daar ‘n baie helder groen kolletjie op die andersins swart skerm wys… dit is tipies van hoe die verskynsel voorkom.

Daar is ongelukkig absoluut NIKS wat mens aan so ‘n foutjie op jou LCD skerm kan doen nie, en meeste van die vervaardigers sal dit ook nie omruil vir net so ‘n paar sulke kolletjies nie, dus hang dit maar net af van hoe gelukkig of ongelukkig jy is wanneer jy jou nuwe skerm aankoop en of jy een gaan kry wat volmaak is of nie

Laai die (baie klein) programmetjie hier af en toets jou eie skerm – ek het, en gaan sommer nou my skerm hier by die werk toets!

http://www.laptopshowcase.co.uk/downloads.php?id=1

Vir ‘n kort, kragtige beskrywing (in Engels) wat dalk duideliker as my poging hier bo is, en ook ‘n alternatiewe toetsprogrammetjie – kyk hier:

http://www.astris.com/dpl/

rekenaarskerm, LCD, dooie pixel, kolletjies

Jy stap in by jou huis na ‘n asemrowende vakansie in die wildernis… jy sit jou relatief nuwe digitale kamera, propvol foto’s van jou gesin se avonture, op die koffietafel neer en daar vlieg honderde herinneringe voor jou oë van die kamera af tot op die tafelblad! Ouma Susie het ook gou kom inloer en wil graag ‘n paar foto’s van die kinders hê om vir haar vriendinne by die naaldwerkklub te wys, so jy vra haar om haar selfoon op die tafel neer te sit en siedaar – tien oulike kiekies vlieg binne ‘n oogwink oor tot op die foon…

Dit raak al laat en almal is honger, maar wat gaan die maklikste en vinnigste wees om nou te maak vir aandete, met die paar goedjies wat oor is in jou koskaste? Geen probleem nie! Roep so ‘n paar spyskaarte en resepte op die kombuistafel op en sommer gou-gou versprei die heerlike geure van die stoof af deur die res van die huis, soos wat ‘n koningsmaal begin vorm aanneem…

Klink dit asof ek ‘n ooraktiewe verbeelding het? Miskien het ek… maar dit is ‘n heel ander storie Wat hierdie storie betref is my entoesiasme gegrond op feite – wetenskaplike feite!

Ek weet dat ek self al vir Microsoft baie gekritiseer het oor hul gebrek aan oorspronklike idees en innovering, maar hier moet ons (ek ingesluit) vir hulle ‘n pluimpie gee, want die stukkie tegnologie gaan ongetwyfeld ‘n omwenteling in mense se lewenswyses te weeg bring! Hoe die ding basies werk is jy het ‘n tafel met ‘n ingeboude rekenaar, kameras en sensors onder die blad wat soos ‘n baie intelligente skandeerder werk en wanneer mens byvoorbeeld ‘n digitale kamera op die tafel neersit, lees die kameras ‘n digitale “etiket” in die toestel om uit te vind wat dit is. Daarna neem dit die toepaslike aksie… Net so gaan eetplekke ook baatvind hierby, want dit sal moontlik wees vir klante om ‘n spyskaart op die tafel op te roep, hul bestelling te plaas en dan op daardie selfde tafel te eet!

Wat dit nog meer besonders maak, is die veelvuldige-interaksiepunt-tegnologie wat meer as een persoon in staat stel om gelyktydig daarop te werk. Dus kan jy (anders as op huidige rekenaars) verskeie opdragte aan die rekenaar (tafel) gee op presies dieselfde tydstip. Microsoft het blykbaar Windows Vista geneem en bietjie aangepas om op die tafel te werk… (eers venters, nou tafels… wat is volgende?). Die enigste rede hoekom ek nie dadelik sal hardloop en een gaan koop nie, is die prys: Ongeveer R35,000 vir die “goedkoop” model, en R70,000 vir die duurder een!!!

So dit wat ek nou gaan sê kan moontlik swaar donderstorms of selfs sneeu by die Ewenaar veroorsaak, maar ek moet dit sê: Mooi so, Microsoft! Dit lyk of die toekoms reeds hier is

Kyk gerus na die volgende video en lees wat die Popular Mechanics tydskrif daarvan dink (Wees gewaarsku – die video is nogal groot – ongeveer 30MB – en sal lank neem om te laai op ‘n stadige Webverbinding!!!):

http://www.popularmechanics.com/technology/industry/4217348.html

Vir verdere inligting, uit die perd se bek as’t ware, kan julle Microsoft se amptelike “Surface” webwerf ook besoek – dit het my werklik beindruk:

http://www.microsoft.com/surface/

tafelblad, foto’s, gelyktydig, rekenaar

Elke nou en dan hoor ‘n mens iets waaroor jy nie heeltemal seker kan wees nie. Dan is dit maar jy en die Internet om uit te vind of dit waar is of nie.

So was die storie wat ek gehoor het dat daar bakterieë in grond was wat seretonien in jou brein aktifeer en jou sodoende beter laat voel.

Wel, wat kan ek sê, die storie was toe waar en vandag se webwerf bevat al die informasie hieroor.

So dan reken ek dis tyd om in die grond te gaan rol!

http://www.sciencedaily.com/releases/2007…

vuil, gelukkig, bakterieë, grond