Kuier Saam in Afrikaans

Wat het hierdie week op Kuier.co.za gebeur? Hier is jou kans om in te haal, in Afrikaans!

Nuut by Kuier – Meeste van die gereelde besoekers aan Kuier sal agterkom dat dinge nou so effens anders is hier… Ja dis reg, Gerhard is nie nou meer die enigste skrywer…

Slim Vang Homself – Ons het al almal ‘n uitvindsel gesien wat ons vir onsself laat dink: “shoe maar dit is oulik!”, maar dit gebeur nie elke dag wat jy iets te sien kry wat vir jou die teenoorgestelde laat…

‘n Goeie Eerste Indruk – Het jy al iemand beroemd of bekend ontmoet? Was jy so oorweldig dat jy dalk iets regtig dom gesê het of net daar gestaan het met ´n mond wat so vêr oophang dat ‘n Boeing 747 daar kon…

Monster in die Stad – Ons het al almal van een of ander snaakse idee gehoor en hulle kom in enige vorm of grootte. Argitektuur is een van daardie plekke waar mense partykeer net te kreatief is…

Vlieg Maan Toe – Ek hoor vanoggend oor die nuus dat NASA nou ‘n permanente basis op ons maan wil bou, sodat wetenskaplikes daar kan woon en navorsing doen oor hoe…

Bang vir Kersvader – Met Kersfees net om die draai is dit natuurlik ‘n malhuis in die meeste winkel sentrums. Daar is bome en versierings oral, en moenie vergeet van Kersvader nie…

Moenie Eers Daaraan Dink Nie – Met Gerhard wat vanoggend vir ons herinner het van Kersfees wat naderkom, het dit my bietjie laat terugdink aan al daardie opwinding en afwagting toe ek as kind net nie kon wag om…

Fokus Beter In 6 Stappe – Miskien sukkel jy om te konsentreer by die werk? Miskien kan jy nie meer so maklik onthou soos toe jy nog jonger was nie?

Maak Ryloop Jou Beroep – Byna almal van ons ervaar dit elke dag: Jy sit in jou motor, oppad werk toe, terwyl die horlosie aanstap…

Staal Tande – Die afgelope jaar of so sukkel ek nogal baie met my tande, hulle breek en pyn en alles en nog wat. Somtyds is ek so moeg daarvan om tandards toe gaan…

Buitengewone Vermoëns – Van kleins af bewonder ons hulle… die superhelde wat kan vlieg, of vinniger as lig hardloop, of ‘n trein met een hand kan optel, gedagtes lees, tyd laat stilstaan…

Geniet die Naweek!

afrikaans, afrikaanse musiek, kuier, suid afrika

Van kleins af bewonder ons hulle… die superhelde wat kan vlieg, of vinniger as lig hardloop, of ‘n trein met een hand kan optel, gedagtes lees, tyd laat stilstaan… of watter ander wonderlike vermoëns hulle ookal het wat spesifiek vir my of vir jou bekoor en maak dat ek/jy daardie sekere een as ‘n held beskou! Vir my was dit Superman, omdat hy amper alles kon doen: Vlieg, vinnig hardloop, deur alles sien, geskiet word en niks oorkom nie, en soveel meer!

Ek kyk op die oomblik ‘n fiksie-reeks wat handel oor ‘n klompie mense met sulke “talente” en hoe hulle dan bewus word daarvan en dit hanteer – elkeen op sy of haar manier.

Nou is die vraag: Is dit regtig alles te goed om waar te wees? Wat as jy een oggend wakker word en ontdek dat jy almal rondom jou se gedagtes kan hoor!? Hoe sou jy dit hanteer – vir mense vertel en moonlik in ‘n inrigting opgeneem word, of net stilbly en die talent benut tot die voordeel van die mensdom… of dalk slegs tot jou eie voordeel?

Dit laat mens nogal dink, nie waar nie… al ooit ‘n Dèjà? vu ervaring beleef? Ek sê maar net…

Ek en so ‘n paar vriende en kollegas het die volgende vraelys ingevul om net vir die sports te kyk watter superheld elkeen van ons dan nou sou wees – doen dit gerus self, en laat weet vir ons hoe akkuraat dit is

Gaan dan ook gerus na die onderstaande Wikipedia blad en lees so ‘n bietjie verder oor jouself (as Superheld), of gebruik die soekfunksie indien jy nie op daardie blad verskyn nie!

http://www.thesuperheroquiz.com/

http://en.wikipedia.org/wiki/Justice_League

buitengewone, superhelde, talent, hanteer

Die afgelope jaar of so sukkel ek nogal baie met my tande, hulle breek en pyn en alles en nog wat. Somtyds is ek so moeg daarvan om tandards toe gaan… ek net wens dat daar ‘n maklike, bekostigbare metode was om my tande te vervang met iets sterker.

Dit is presies wat die man van Wilmington, Kalifornieë ook gedink het toe hy besluit het om vir homself ‘n volle stel tande te maak uit vlekvrye staal.

Hy het dit blykbaar met ‘n hak saag en fyl gemaak en hulle sit vas in ‘n rubber basis wat in sy mond pas.

Daardie tande laat hom ook lyk soos ‘n reeksmoordenaar… Die hele idee laat my net gril. Sies!

http://blog.modernmechanix.com/2006/12/06/makes-own…

tande, staal, rubber, saag

Byna almal van ons ervaar dit elke dag:
Jy sit in jou motor, oppad werk toe, terwyl die horlosie aanstap…

Nou het een baie ambisieuse Amerikaner (dit sal mos altyd die Yanks wees, nê ) die slim idee gekry om by die oprit van ‘n snelweg te gaan staan, waar mense hom dan oplaai – teen betaling – en dan is hulle geregtig om in die motorpoelbaan (”carpool lane”) verder te ry! Gevolglik spaar dit hulle ure van in die verkeer sit en ongeduldig word, en almal is gelukkig!

Onlangs was hier so ‘n groot oproer toe die besluit geneem is om sekere bane op die besigste verkeersroetes in Suid-Afrika af te sonder vir motors met meer as twee (of was dit drie?) insittendes… wel ek dink vanmiddag se storie is ‘n bewys dat dit wel kan werk, en lonend kan wees indien korrek aangewend

http://www.pfadvice.com/2006/06/21/creative-job-commute-helper

ryloop, beroep, verkeer, lonend

Miskien sukkel jy om te konsentreer by die werk? Miskien kan jy nie meer so maklik onthou soos toe jy nog jonger was nie?

Daar is ‘n paar maklikke tegnieke wat jy kan volg om jou brein ‘n bietjie op te skerp. Veral as dit kom by konsentrasie en fokus.

Volgens vandag se webwerf maak dit nie saak hoe slim jy is of hoeveel grade jy agter jou naam het nie, daar is altyd spasie vir verbetering.

Die skakel bevat 6 metodes om jou brein op te skerp. Kry die beste uit jou breinselle!

http://ririanproject.com/2006/12/05/6-ways-to-boost-your…

brein, fokus, tegniek, wetenskap

Met Gerhard wat vanoggend vir ons herinner het van Kersfees wat naderkom, het dit my bietjie laat terugdink aan al daardie opwinding en afwagting toe ek as kind net nie kon wag om my Kersgeskenke oop te maak nie… maar ons moes maar net wag tot Ou-kersaand voordat enige geskenkpapier oopgemaak mag word!

Hoeveel van julle het vooraf tog probeer loer na wat binne-in die pakkies is, of selfs sover gegaan om dit skelm oop te maak?

Wel een ma het blykbaar genoeg gehad van haar stout kind wat nie wou wag nie, en hom toe sommer laat arresteer omdat hy sy geskenke aanhoudend gaan oopmaak het! Praat van ‘n streng ma

http://www.iol.co.za/index.php?set_id=1…

kersfees, geskenke, afwagting, stout

Met Kersfees net om die draai is dit natuurlik ‘n malhuis in die meeste winkel sentrums. Daar is bome en versierings oral, en moenie vergeet van Kersvader nie… hy is ook daar, en wil hê jy moet op sy skoot sit!

Dit is waar die probleem inkom vir baie klein kindertjies. Mamma en pappa wil hê hulle moet sit sodat daar foto’s geneem kan word, maar Kersvader is maar lekker skrikwekkend op sy beste.

Vandag se webwerf bevat ‘n reeks fotos van kinders wat by Kersvader sit, maar baie beslis nie daar wil wees nie.

Dit is ‘n uitstekende gallery, toe ek dit sien moes ek net daaroor skryf!

http://www.southflorida.com/events/sfl-scaredsanta…

kersfees, kersvader, kinders, bang

Ek hoor vanoggend oor die nuus dat NASA nou ‘n permanente basis op ons maan wil bou, sodat wetenskaplikes daar kan woon en navorsing doen oor hoe hulle mense Mars toe kan stuur.

Nou wonder ek maar net hoeveel van julle dink dat dit werklik gedoen kan word, en dan is die volgende logiese vraag seker: Glo julle dat Neil Armstrong en kie regtig jare gelede op die maan was? Vanmiddag se webwerf probeer juis om daardie kwessie vanuit ‘n “hoe kan dit moontlik wees” oogpunt aan te spreek, en dan gee dit allerhande redes waarom mens nie die Amerikaners hieroor moet glo nie!

So was daar ‘n maanlanding of is dit die grootste klug in ons geskiedenis? Besluit maar self… en dan kan julle ons probeer oortuig waarom… of waarom nie

http://www.geocities.com/pentagon/2666/MoonHoax2.html

maan, basis, klug, geskiedenis

Ons het al almal van een of ander snaakse idee gehoor en hulle kom in enige vorm of grootte. Argitektuur is een van daardie plekke waar mense partykeer net te kreatief is…

Vandag se webwerf bevat die idee van ‘n persoon om ‘n gebou in Japan op te rig. Die idee is dat die gebou die form van die film monster “Godzilla” moet aan neem.

Sy argument is dat dit meer toeriste na Japan sal laat gaan en dat dit ‘n uitstekende uitsig oor die stad sal veroorsaak teen son opkoms en ondergang.

Hy het selfs ‘n reeks prente gemaak om te wys hoe dit sou lyk as daar ‘n gebou soos daardie kon wees.

Ek mag dalk ook van iets soos daardie hou!

http://www.ironicsans.com/2006/12/idea_a_buil…

monter, japan, godzilla, argitek

Het jy al iemand beroemd of bekend ontmoet? Was jy so oorweldig dat jy dalk iets regtig dom gesê het of net daar gestaan het met ‘n mond wat so vêr oophang dat ‘n Boeing 747 daar kon in vlieg, of is jy een van daardie mense wat vreemde mense benader asof hulle ou vriende is? Soms kan daardie eerste ontmoeting nogal ongemaklik raak… vir al die betrokke partye!

Dan is daar ook nog die geval waar ‘n mens by ‘n nuwe werk begin en op die eerste oggend aan 30 mense voorgestel word, en jy probeer baie hard om almal se name te onthou en self ‘n goeie indruk te maak, maar die volgende keer dat jy een van hulle raakloop in die gang kan jy net eenvoudig nie sy/haar naam onthou nie… praat van ‘n ongemaklike oomblik! Partykeer ontmoet mens iemand vir die eerste keer en dan kry jy sommer dadelik daardie gevoel ‘hierdie persoon hou niks van my nie!’.

Natuurlik is die heel ergste van alles wanneer iemand na jou toe stap en jou ewe vriendelik op die naam groet en vra hoe dit nog met jou gaan… maar jy het nie (meer) die vaagste idee wie die persoon is nie!!! Wat kan mens doen behalwe om maar daardie persoon net so vriendelik terug te groet en voor te gee dat jy hom/haar wel onthou en jouself so gou as moontlik uit die ontmoeting uit te praat

Reg, so hou nou asseblief op met staar na my, maak jou mond toe, en gaan aan met jou werk, want ons het mos reeds gister ontmoet O ja, en as jy nog nie jou kollega vanoggend gegroet het nie is dit dalk nou ‘n goeie tyd!

Deel gerus julle snaakse of mees afgryslike eerste ontmoetings hier met ons – veral as dit iemand bekend of beroemd was!

Hier is so ‘n paar idees vir hoe om daardie potensieel ongemaklike eerste ontmoetings te vermy of te hanteer:

http://www.keepersoflists.org/index.php?lid=4196

ontmoet, ongemaklik, groet, bekende