Kuier Saam in Afrikaans

Vir die van julle wat sakemense is, wat daagliks moet uit gaan om kliente te sien of nuwe kliente te gaan soek, is beisgheids kaartjies nogal belangrik. Dit is natuurlik nie meer so belangrik soos ‘n hele paar jaar gelede toe daar nog nie selfone was nie, maar dit is nog altyd ‘n manier om seker te maak dat iemand jou en jou maatskappy sal onthou.

Vandag se webwerf het ‘n vet lys van kreatiewe besigheids kaartjies met foto’s ingesluit. Wat sommige van hierdie kaartjies maak is ietsie kleins wat bygesit is, maar sommige van die ander is werklike kunswerke.

My gunsteling een is seker die een wat lyk soos ‘n x-straal. As ek besigheids kaartjies gebruik het sou dit seker iets in daardie lyn gewees het

http://www.anvari.org/cols/Creative_Business_Card_Design_Ideas.html

kaartjies, besigheid, kontak, kliente

Eet is een van daardie dinge wat ons almal daagliks doen, maar nie regtig oor dink nie. Ja daar is kook programme op TV en baie boeke, maar het ons al ooit regtig gewonder wat ander normale mense soos ons in ander lande vir aandete eet?

Vandag se webwerf bevat ‘n reeks foto’s van families en hulle kos aankope vir ‘n week. Wat dit nog meer interessant maak is dat die bedrae wat hulle op kos spandeer ook hierby is.

Nogal interessant om te sien hoe families in kleiner landjies oor die weg kom met soveel minder as families in die groter, eerste wêreld lande.

http://v.mercola.com/blogs/public_blog/What-the-World…

kos, inkopies, familie, geld

Is jou kamer of kantoor die groote van ‘n besemkas?

Vandag se webwerf het 5 metodes wat jy kan benut om daardie “besemkas” grooter te laat lyk deur eenvoudig jou, en jou besoekers, se oë te flous.

Strategië sluit die regte kleur keuses, minder meubels (of om hulle te vervang met meer veeldoelige meubels) en strategiese gebruik van spiëels. ‘n Tafel met ‘n glas blad hel blykbaar ook.

Ek is mal oor hierdie tipe artikels, veral in hedendaagse lewe waar huisies al hoe kleiner raak. Ons sal maar moet kreatief raak om die meeste uit ons wonings te kry

http://freshome.com/2007/05/29/5-tips-for-fooling-the-eye

oë, ontwerp, kreatief, spasie

Tegnologie ontwikkel deesdae so vinnig dat mens glad nie kan byhou nie! Ja, die nuwe iPhone van Apple is nog nie eers in Suid-Afrika beskikbaar nie, en dit het alreeds ‘n paar “opgraderings” gekry

Eerstens, sal dit nou moontlik wees om videos vanaf YouTube direk daarop te kyk – ‘n funksie waarmee hope Internetvideo-verslaafdes seker baie in hul skik gaan wees! Dan sal die nuwe AppleTV sagteware opdatering eienaars ook in staat stel om videos direk op hul televisieskerms te vertoon vanaf die iPhone. Die ouens van Apple het gedink hul ondersteuners sal verder baat vind van ‘n sterker battery en ‘n glas vertoonskerm om meer genot en ‘n beter beeld te verkry van die lank verwagte nuwe speelding met die appel-embleem.

Na verwagting kan ons hier aan die suidpunt van Afrika eers verwag om teen November van die iPhones op winkelrakke te sien – net betyds vir daai Kersfeeslysies

So hoe lyk dit – hoeveel van julle beplan reeds om een te koop wanneer dit hier uitkom? Dit lyk of mens nogal redelik bankrot gaan raak as jy wel een aanskaf, siende dat voorlopige pryse sowat $500-600 beloop!

http://www.ioltechnology.co.za/article_page.php?iArticleId=50174…

iphone, youtube, opgraderings, beter

As jy al ooit jou hande in die lug gegooi het omdat jy dit eenvoudig net nie dit kan regkry om jou kinders hul eie kamers te laat skoonmaak nie, dan is vandag se webwerf net vir jou!

Hierdie webwerf het lekker eenvoudige metodes om kinders aan te spoor om self hul kamers skoon te maak.

Dit kom basies daarop neer dat jy, as ouer, dinge so eenvoudig as moontlik moet hou, op daardie manier is dit makliker om dit onder beheer te hou.

Uit die artikel is daar drie dinge wat uistaan as die kern van die idee: Minder speelgoed is makliker om op te tel, houers om dinge in te bêre hoef nie fantasties en duur te wees nie en laastens, daar moet ‘n goeie plan van aksie wees (maak jou bed op, dan maak jy jou boekrak skoon, ens.)

Nogal ‘n oulike artikel vir ouers wat sukkel met hierdie gedeelte van ouer wees

http://www.curbly.com/badbadivy/posts/1058-Teach-your-kids…

kinders, kamer, skoon, opruim

Wat het hierdie week op Kuier.co.za gebeur? Hier is jou kans om in te haal, in Afrikaans!

Liedjieskryfkompetisie vir Kapenaars – ‘n Nuwe liedjieskryfkompetisie eksklusief vir Kapenaars is sopas geloods, met pryse ter waarde van R25 000 op die spel. Die Vivacious Voice Maak lawaai…

Austin Healy Oppad Terug – Die Sjinese maatskappy wat tans die Austin Healy fabrikaat besit, nadat hulle die MG Rover maatskappy in 2005 gekoop het, oorweeg dit sterk om hierdie gewilde sportmotortjies weer te begin…

Is Sportprestasie Jou Lewe Werd? – Mense wat na ´n maraton inmekaarsak en sterf… of teen hoë snelheid op die resiesbaan verongeluk… ons lees al te dikwels sulke berigte in die koerante of sien dit op die TV nuus…

34 Ander Nutte vir Gas Koeldrank – Die meeste van ons drink gas koeldrank, party van ons natuurlik meer as ander, maar dit is ´n redelike normale ding om te doen, maar het jy al ooit gewonder watter…

Eerste Kind het Hoër IK – Eersgeborene kinders se IK is taamlik hoër as hulle jonger broers of susters, dit is wat ´n studie in Noorweë gevind het na ´n groot studie wat 250 000 militêre personeel behels het…

Rathefboom Stuit Tieners in VSA – Twee voornemende jong motordiewe in Georgia in die VSA is vasgetrek toe hulle nie kon wegkom met die motor wat hulle wou steel nie. Die rede: Meeste motors in die VSA is outomaties, maar daardie een het toe toevallig ´n goeie…

Geniet die naweek!

afrikaans, afrikaanse musiek, kuier, suid afrika

Twee voornemende jong motordiewe in Georgia in die VSA is vasgetrek toe hulle nie kon wegkom met die motor wat hulle wou steel nie. Die rede: Meeste motors in die VSA is outomaties, maar daardie een het toe toevallig ‘n goeie ou koppelaar en rathefboom, wat nie een van hulle blykbaar al ooit teegekom het nie. Daar sit die oortreders toe met geen benul wat om te maak nie, en al wat hulle aan die gang kan kry is die radio!

Nogal sleg as mens gewoond is daaraan om dinge so altyd op die maklike manier te doen, en dan moet jy op ‘n dag noodgedwonge ‘n effens meer ingewikkelde metode gebruik, en dan sit jy… soms letterlik

Dis dan juis ook hoekom ek dikwels nie die maklikste uitweg eerste kies nie – om te leer hoe om dinge in ‘n krisis te hanteer!

http://www.reuters.com/article/domesticNews/idUSN202595432…

motordiewe, outomaties, rathefboom, ingewikkelde

Eersgeborene kinders se IK is taamlik hoër as hulle jonger broers of susters, dit is wat ‘n studie in Noorweë gevind het na ‘n groot studie wat 250 000 militêre personeel behels het.

Die navorsers sê dat die verskil in IK veroorsaak word deur sosiale redes en nie deur biologiese redes nie. ‘n Voorbeeld hiervan is die feit dat ‘n tweede kind ‘n hoêr IK sal hê as sy broer of suster op ‘n jong ouderdom oorlede is, wat hom of haar dan natuurlik die oudste maak.

Navorsers reken dat hierdie studie ouers kan help om kinders beter groot te maak.

http://www.newscientist.com/article.ns?id=dn12102

IK, navorsing, kinders, studie

Die meeste van ons drink gas koeldrank, party van ons natuurlik meer as ander, maar dit is ‘n redelike normale ding om te doen, maar het jy al ooit gewonder watter ander dinge jy met die koeldrank kan doen?

Indie jou antwoord “Ja” is, is vandag se webwerf perfek vir jou! Die webwerf bevat 34 ander dinge waarvoor jy jou blikkie gas koeldrank kan gebruik.

Van hierdie dinge sluit in om skroewe makliker los te draai en selfs om vlekke uit jou bad of toilet uit te haal.

Dit laat die blikkie koeldrank amper lyk soos iets wat op ‘n Saterdag oggend op die televisie kan verkoop word

http://www.thebachelorguy.com/34-uses-for-that-can-of-soda…

koeldrank, gas, nutte, skoon

Mense wat na ‘n maraton inmekaarsak en sterf… of teen hoë snelheid op die resiesbaan verongeluk… ons lees al te dikwels sulke berigte in die koerante of sien dit op die TV nuus.

Nou, na aanleiding van die pas afgelope Comrades met nog so ‘n sterfte waar iemand letterlik sy laaste krag gebruik het om oor die wenstreep te beur, kan ek nie anders as om te vra – is die eindresultaat so ‘n opoffering werd? Behoort enige iemand jouself so hard te druk of so ‘n groot kans te waag met jou lewe, net in die naam van prestasie?

Selfs in skolesport word al meer en meer kinders ernstig beseer (of erger) omdat hulle tot die uiterste gaan vir hulle sport. Wat het geword van die ou benadering dat mens sport doen vir ontspanning en om jouself te geniet? Gaan dit ook deesdae net oor die geld en roem? In die laerskole al???

Ja, daar hang dalk nou ‘n goue medalje of staan ‘n reusagtige trofee in ‘n kabinet êrens as bewys van die hoogste sport wat iemand bereik het, maar wat help dit as die persoon wie se naam op daardie goud verskyn nie meer leef om dit te kan aanskou nie?

Hier is ‘n lys van mense wat in motorrenne alleenlik omgekom het, waarvan ek een ongeluk – die van Ayrton Senna op TV sien gebeur het:

http://www.answers.com/topic/list-of-racing-drivers-who-died-in-racing…

Natuurlik is daar nog hope ander sportsoorte wat veel meer lewens eis, maar die renjaer lysie is alreeds lank genoeg as ek hom so kyk!

Hier is ook ‘n webwerf waar mens kan sien watter sportpersoonlikhede op hierdie dag in die geskiedenis gesterf het, maar dit lyk darem asof meeste van hulle nie tydens die beoefening van hul sport die lewe verlaat het nie.

http://www.todayinsport.com/deaths.php

sterf, sport, prestasie, opoffering